مرة حسنى مبارك!!!!!

مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع أسئلة
1- ليه انت رئيس بقالك 25 سنه ؟
2- لسه معينتش نائب ؟
3- ليه ولادك ماسكين كل حاجه فى البلد ؟
4- ليه مصر حالتها الاقتصاديه زفت و انت مبتعملش حاجه؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟

مين عنده سؤال؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اسئله
1- ليه انت رئيس بقالك 25 سنه ؟
2- لسه معينتش نائب ؟
3- ليه ولادك ماسكين كل حاجه فى البلد ؟
4- ليه مصر حالتها الاقتصاديه زفت و انت مبتعملش حاجه؟
5- ليه جرس الراحه رن ربع ساعه بدرى ؟
6- وبعدين فين رامى ؟؟؟؟؟؟
--------------------------------------
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين
------------------------------------
مرة سيادة الريس مد إيده في جيبه لقي 5 مليون جنيه!!
فزعل قوي وخاف وقال: إيه الفلوس دي الفلوس دي حرام؟
فسأل أحد مساعديه فدله على طريق الشيخ طنطاوي
رئيس الأزهر وقال له: اسأل الشيخ وهو يقول لك الحل .
ما كدبش خبر وجري على طنطاوي وحكا له القصة فرد:
5 مليون بس .. إيه النزاهة دي؟
دي بسيطة خالص يا ريس ما تزعلش نفسك؟
كل اللي هتعمله هتروح تستغفر ربنا بالطواف حوالين الكعبة، لفة لكل مليون جنيه وخلاص .
الريس راح لقي عمنا صفوت فقال له: أنت بتعمل إيه هنا؟
أنت هتلف كام لفة؟
عمنا صفوت :78 لفة .
الريس: يخرب بيتك؟ ده أنت خربت البلد !!
عمنا صفوت: أنت جاي علي انا؟ روح شوف علاء ابنك جايب
موتوسيكل وبقاله 3 أيام بيلف
-------------------------------------
كان فى سرير المرض حينما أخذ يلقى بوصاياه الأخيرة
لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
( ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء
-----------------------------------------
كان حسني مبارك بيخطب في الشعب .. فكل شويه واحد يقوم ويقول
عاش حسني مبارك موحد الاديان ويقعد
يروح حسني مكمل كلامه وشويه ويقوم الراجل
ويقول عاش حسني مبارك موحد الاديان
فااتمسك امن دوله وطااااااااخ ويقولوله ايه الي انت
بتقوله دا ازاي موحد الاديان
دي مصر فيها مسيحين ويهود ومسلمين وطااااااخ
فرد عليهم يا باشا ماهوه اللي مكفرنا كلنا
----------------------------------
بيقولك واحد تانى لقى الفانوس السحرى ودعكه طلعله العفريت
وقاله:شبيك لبيك تطلب أيه؟
قاله الراجل: أنا عايز كوبرى بين القاهره وأسوان
العفريت قاله: دى صعبه قوى .. نقى حاجه تانيه
الراجل قاله:خلاص خلى حسنى مبارك يسيب الحكم
العفريت قاله:أنت عايز الكوبرى رايح جاى ولا رايح بس
--------------------------------[center]

نكت جامده جداً
أنا بقالى زمن مضحكتش كده
تسلم إبدبكى

أنا عن نفسى عاوزه أتبرع ب30 - 40 لتر بالقليل كده
مش كتير عليه
بس أنا خايفه أحصل رامى
ولا أخونا التانى موحد الاديان
وكل سنه وانتى طيبه

ماهى النكت دى لو بتروح للريس
مش هنكون احنا هنا
(هنكون متعلقين وراء الشمس)
أما من حيث الشعب مبسوط فهو مبسوط قووووى
حتى شوف

لا والله الريس عمرة مزعل من النكت اللى بتطلع عليه لانه عارف هو ايه وبيعمل ايه فعمرة ما هينظر للتفاهات اللى بتتقال من ناس مش فاهمه هو بيعمل كده ليه وهو برضه بيطبق موضوع الحريات اللى احنا عارفينه ان انت من حقك تقول اللى انت عايزة وانا من حقى احبسك ههههههههههههههههههههههههههههههه
والدليل ان كاتب الموضوع لسه موجود معانا فى المنتدى

mido كتب:

لا والله الريس عمرة مزعل من النكت اللى بتطلع عليه لانه عارف هو ايه وبيعمل ايه فعمرة ما هينظر للتفاهات اللى بتتقال من ناس مش فاهمه هو بيعمل كده ليه وهو برضه بيطبق موضوع الحريات اللى احنا عارفينه ان انت من حقك تقول اللى انت عايزة وانا من حقى احبسك ههههههههههههههههههههههههههههههه
والدليل ان كاتب الموضوع لسه موجود معانا فى المنتدى

حلوة بس يا رب تبقى معانا الايام القادمة انا خايف عليك يا فرعون عاشت مصر . عاش مبارك

الطيب كتب:

حلوة بس يا رب تبقى معانا الايام القادمة انا خايف عليك يا فرعون عاشت مصر . عاش مبارك

ان شاء الله ايامنا كلها هتبقى حلوة
وربنا يستر على فرعون بقى

انا كنت خايفة ارد علشان لما تروحوا تونسوا رامى تلاقوا حد يجيبلكوا عيش وحلاوة

تسلمو ياجماعة بس على ما اظن الموضوع مش بلرهبه ديه كلها

تسلمى مملكه لاء طبعا مواضيعك كلها رهيبه

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
بس انا عاوز اعرف رامى راح فين
هههههههههههههههههههههههههههههههه
تسلم ايدك هنتحبس على ايدك

تسلم ياحمد وان شاء الله مفيش حبس ولا حاجة
نورت الموضوع

اية يا جماعة دا حتي الحبس للجدعان وانتوا اجدع من الجدعان هههههههههههههههههههههههههههههههههه

ههههههههههههههههههههههههههههههههههههههههههههههههههههههههه
يسلملى مرورك

عندك حق يا دودى الحبس للجدعان
بس انا جدع واول واحد هخلع
مشكوووووووووور ليكى






اللي خلقك خلق مليون غيرك بس وربى مايسوون رمش عينك